175 aniversario

Este ano, polo mes de novembro celébrase o 175 aniversario da creación do noso centro. Creación como institución, claro; o edificio é bastante máis moderno. Con ese motivo, durante todo este curso 2017-2018 hanse celebrar unha morea de actos que sirvan de conmemoración do que foi e é o instituto máis antigo de toda Galiza e un dos dez máis antigos de toda España.

De todos eles iremos informando paulatinamente.

Advertisements

30 de NOVEMBRO – 175 ANIVERSARIO do IES LUCUS AUGUSTI

O día 30 de novembro de 2017 o Instituto Lucus Augusti de Lugo celebrou o seu 175 aniversario logo de ter sido fundado en 1842. A súa primeira sé foi o Seminario Conciliar de Lugo, hoxe edificio que alberga o Colexio dos Franciscanos. Foi pasando por distintas sés como o Colexio Compañía de Monforte, a Casa do Concello de Lugo, o edificio da Deputación Provincial, ata que definitivamente, no ano 1951, ocupou o actual edificio da Avda. Rodríguez Mourelo.

Ao longo da xornada foronse sucedendo diversas actividades para celebra-la efemérides.O colofón púxoo unha charla-coloquio coa presencia de diversas autoridades da política e da cultura.

– Para ver as fotos da perfomance “175 Anos Tendendo Cultura” pulse aquí

– Para ver as fotos da piñata pulse aquí

– Para ver as fotos sacadas pola mañán no photocall pulse aquí

– Para ver as fotos sacadas pola mañán coa figura do catedrático pulse aquí

– Para ver as fotos sacadas pola tarde no photocall pulse aquí

– Para ver as fotos sacadas pola tarde coa figura do catedrático pulse aquí

– Para ver as fotos da charla-coloquio pulse aquí

 

Novas adquisicións

Atlas ilustrado de la Primera guerra mundial

ATLAS i GUERRA MUNDIALA Primeira guerra mundial, o primeiro acontecemento histórico documentado pola fotografía, supuxo o comezo dun século tráxico que deixou tras de si unha terrible estela de morte e devastación.

Con máis de 400 imaxes e 70 fichas temáticas, os autores desta completa guía pretenden dar unha visión global do conflito que vestiu de loito a Europa do século XX.

Atlas ilustrado de la Segunda guerra mundial

ATLAS II GUERRA MUNDIAL

Máis de 700 imaxes procedentes dos arquivos de Magnum-Contraste, Roger Viollet e Giunti.

Realizadas por mestres da fotografía como Robert Capa ou Henri Cartier-Bresson ilustran este magnífico percorrido pola máis devastadora guerra “total” que involucrou a centos de millóns de persoas en todos os recunchos do mundo.

Atlas ilustrado de la II República española.

CUB II REPUBLICA 37mm_Maquetacion

Unha excelente e completa guía para comprender o período político da II República, desde a súa orixe o 14 de abril de 1931 ata o final da Guerra Civil Española.

Atlas ilustrado de la guerra en la antigüedad. Roma

LA GUERA EN LA ANTIGUEDAD-ROMA

É difícil entender como a cidade de Roma pasou de ser unha vila sinxela para gobernar a maior parte do mundo coñecido, creando un imperio de dimensións continentais. A clave do seu éxito foi a súa perseveranza, capaz de superar os desastres militares que a levaron á marxe da desaparición. Este impresionante volume permite ao lector entrar neste interesante período da Historia de Roma a través dunha gran exposición fotográfica, ilustracións e mapas.

CONCURSO DE MARCAPÁXINAS

175 ANIVERSARIO

CONCURSO DE MARCAPÁXINAS

O Instituto convocou un concurso de marcapáxinas adicado ao 175 aniversario. Houbo unha gran participación que llo puxo realmente difícil ao xurado encargado de falla-lo premio.

Resultou gañador YAGO RIVAS PANADERO cun resume da historia das sedes onde estivo en funcionamento o centro ata a actual na Avda. Rodríguez Mourelo facendo fincapé nas datas nas que funcionou en cada edificio. O reverso está adicado a tódolos anos transcorridos desde a súa fundación ata o ano actual. Noraboa a Yago que en breve recibirá o seu premio consistente nunha tablet e diploma.

Proba da gran participación foi a cantidade de finalistas que houbo na mesma. Todos levarán un diploma de lembranza da súa participación.

Na película que segue a este texto podemos contemplar tódolos traballos finalistas así como, por suposto, o gañador.

A terra de Ana

A editorial galega Kalandraka vén de pór a venda a última obra de Jostein Gaardner, no seu selo Faktoría K. Este é un noruegués, profesor de Filosofía e de Historia das Ideas nun instituto de Bergen, que conseguiu un gran recoñecemento internacional a mediados dos 90 cando publicou “O mundo de Sofía“. Neste libro, conseguira un enorme éxito na divulgación de ideas filosóficas polo seu tratamento case novelístico, no que un adulto falaba cunha rapaza que formulaba as súas dúbidas e as dúas inquedanzas.

Desta volta, no libro “A Terra de Ana“,  o tratamento é lixeiramente diferente e tamén o tema. Agora o tema non pode ser máis actual pois é o “cambio climático” e a resposta que lle damos como individuos e como sociedade. É un libro interesante, para todo tipo de públicos, e que axudará a que deamos coas claves do problema.

Esta é a sinopse do libro: “Nos seus soños, Anna é quen de albiscar un planeta agonizante no futuro, con moitas especies desaparecidas da face da Terra a causa da contaminación e do cambio climático. Evitar que ese escenario apocalíptico se faga realidade é o seu reto. “

Aquí podes ler un fragmento on-line, e se che gusta o podes coller na Biblioteca.

 

25 de novembro-Día internacional contra a violencia de xénero

De novo, chegamos a esta data e de novo os datos son arrepiantes. Sen dúbida, resulta canso ter que seguir con esta data pero aínda hoxe hai casos de grande actualidade que a fan necesaria.

Hoxe presentamos materiais para traballar nas aulas, se interesa. Son dous sindicatos do ensino os que presentan unidades didácticas que poidan ser aproveitadas.. Que opinas?

Para acceder a cada unha delas, pica na imaxe.

Vídeo da conferencia “Combater as relacións tóxicas. Previr a violencia de xénero desde a adolescencia” de Carmen Ruíz Repullo nas XIV Xornadas da Muller da CIG Ensino e a AS-PG.

E finalmente, outro vídeo dun grupos de rapazas que acadou o primeiro premio das xornadas de música infantil e xuvenil organizadas pola Deputación da Coruña. Titúlase “Son muller” e o grupo é MBCP  (máis boas cás patacas).

E para rematar, a través de praza.gal, chéganos esta vídeo onde se formula un experimento no que podes participar. Trátase de ver as diferentes secuencias e decidir que farías ti nese caso. Curioso, non?

Premios Extraordinarios da ESO

Estamos de festa porque vén de saír a resolución final dos Premios Extraordinarios da ESO  correspondentes ao curso 2016-2017 e, este ano, hai unha alumna do noso centro entre os gañadores.

Trátase de Sofía Santos Ulloa, que xa tiña gañados varios premios de redacción e que, durante un tempo, fora tamén colaboradora nosa no blogue. Dende aquí queremos mandarlle os noso parabéns polo esforzo realizado e polo éxito conseguido.

HALLOWEEN 2017

Para celebra-lo Halloween, o Departamento de Inglés representou a obra de teatro “The legend of Stingy Jack and other stories by…” na Biblioteca do Instituto. Participaron como actores John Albright, o noso lector de inglés, Xoán García, Sabela García e Carmen Sillars que fixeron unha grande actuación ante o numeroso público alí congregado.

Pulse aquí para ver fotos.

Concurso

A maiores da exposición que segue no vestíbulo, desta volta, anunciámosvos un concurso para a realización dun marcapáxinas que teña como obxecto espallar a conmemoración do 175 aniversario do centro. Hai que apurar porque o tempo bótase enriba e remata o vindeiro 8 de novembro.

Para coñecer as bases do concurso, preme na imaxe e verás todo nun pdf.

Por suposto, haberá premios, e xa adianto que serán importantes.

Ánimo e a participar.