17 de maio- Día das Letras Galegas

Desta volta, para participar na conmemoración do Día das Letras Galegas, decidimos facer unha pesquisa de recursos sobre Mª Victoria Moreno e presentalos dun xeito algo diferente.

Ao mesmo tempo, tamén pretendiamos unir esta conmemoración con outra que se celebra o mesmo día, 17 de maio, pois, noutros eidos, é o día da Internet. Para iso, presentamos unha parte dos recursos en formato de códigos QR. Para podelos ver tes que ter no teléfono móbil unha aplicación para ler estes códigos. Tanto na App Store (para IOS) como na Play Store (para Android) hai lectores de balde.

Velaquí tedes unha pequena escolma dos que foron colocados por todo o centro. Hai dende vídeos, enderezos de internet ou ligazóns a Pinterest e á Galipedia

---

Vídeo da RAG sobre a autora

 

 

 

 

 

 

---

Vídeo realizado polo do concello de Pontevedra 

 

 

 

 

 

---

Vídeo do CPI Os Dices-Rois, onde os rapaces confeccionan un TeleXornal.

 

 

 

 

 

---

Ligazón ao artigo de Mª Victoria Moreno, na Galipedia

---

Ligazón ao Pinterest, onde se atopan carátulas de moitas das súas obras.

Advertisement

LETRAS GALEGAS 2018

DÍA DAS LETRAS GALEGAS 2018

O IES Lucus Augusti conmemora o Día das Letras Galegas 2018 adicado á escritora estremeña María Victoria Moreno (antiga profesora neste centro) con diversos actos.

Comeza cunha exposición adicada a aqueles escritores que foron homenaxeados no seu día con esta distinción para continuar cunha charla de Marilar Aleixandre, membro da Real Academia Galega, sobre a súa obra “A Expedición do Pacífico” e para facer unha semblanza da autora a quen se lle dedica o Día das Letras Galegas.

Estos actos continúan coa exhibición dunha pancarta alusiva ao día especificado así como unha exposición de carteis coa vida e obra da homenaxeada.

Para completar a celebración colócanse carteis con códigos QR polo instituto con información relativa ao Día das Letras Galegas así como da propia María Victoria Moreno.

Día do libro 2018

Desta volta, temos no vestíbulo unha exposición de libros curiosos coa que conmemoramos esta data. Aquí podemos ver un vídeo.  E tamén temos a Guía de lecturas.

 

 

15 anos da Galipedia

Unha pequena escolma das novas referidas aos 15 anos da Galipedia:

* Praza.gal: Galipedia chega aos 15 anos con optimismo e novos retos de futuro

* Gciencia.com: “A Galipedia cumpre 15 anos regalando coñecemento en galego”

* La Opinión: La Galipedia cumple 15 años y lo celebra con la “visibilización” de la mujer

* La Voz de Galicia: Galipedia, la Wikipedia en gallego, cumple hoy 15 años

* Faro de Vigo: La Galipedia cumple 15 años y lo celebra “visibilizando” a la mujer

* Galicia Confidencial: Galipedia, 15 anos de coñecemento libre en lingua galega

* Crtvg.es: A Galipedia fai 15 anos

8 de marzo-4

Aquí temos outra das nosas aportacións. Hoxe debe ser un día de festa, de esperanza, e nós, aparte do resto de notas anteriores, tamén queremos aportar o noso grauciño no centro coa exposición do vestíbulo. Velaí témolas fotos.

8 de marzo-3

Como conmemoración desta data, este ano hai un movemento mundial que convoca as mulleres a faceren folga para que o mundo se decate do que pasaría se non estivera a metade da humanidade. Tódolos xornais e medios de comunicacións de masas publicarán e editarán novas de todo tipo sobre a súa repercusión.

Nós, preferimos o local. Presentámosvos un video dunha rapaza de Monforte, que a ritmo de rap,  expresa as súas ideas sobre o asunto. A ver que vos parece.

8 de marzo-2

Hoxe sería un dos días máis felices dun enorme artista, non só debuxante, que nos deixou hai pouco tempo ecque fixo da defensa da condición feminina un dos seus sinais de identidade. Como non, falamos de Forges , Antonio Fraguas segundo o seu DNI.

Aquí temos unha escolma dos seus debuxos, que son auténticos manifestos.

O pase de diapositivas require JavaScript.

8 de Marzo

Wikimaratón: Día Internacional da Muller

O vindeiro sábado 10 de marzo de 2018 vaise realizar o primeiro wikimaratón do Día Internacional da Muller que será realizado na cidade de Ourense en colaboración coa concellería de Igualdade da cidade.

Este evento é unha das actividades do décimo quinto aniversario da Galipedia, que se cumpre tamén, curiosamente, o 8 de marzo.

Neste evento traballarase na creación, ampliación e mellora de artigos biográficos de mulleres destacadas na historia para mellorar e aumentar a súa visibilización na Galipedia, a Wikipedia en galego.

Se queres participar, en directo acudindo a Ourense, ou virtualmente a través da rede, seguro que che ha gustar, tan só tes que premer no cartel anunciador para conseguires máis información.

Entroido, 2018

Aquí tedes outra entrega dun día de festa.