A illa de todas as illas

O vindeiro mércores, 29 de xaneiro ás 20’00h., vaise presentar na Librería Biblos, o último libro de Xabier P. DoCampo, publicado por Edicións Xerais. É difícil atopar no noso país un rapaz o unha rapaza que non teñan lido algunha das súas obras. E tamén é dificil atopar a alguén que non o recoñeza como un dos autores máis importantes da literatura xuvenil.

Nesta ocasión con ese título “A illa de todas as illas” fai unha homenaxe ás novelas de Aventuras (con maiúsculas). Dende A illa do tesouro de Stevenson, ás obras de Salgari (O corsario negro ou Sandokán), pasando polo Robinson de Daniel Defoe. Se queres ver a recensión da editorial pica aquí. Mais se queres ver un comentario dende o cariño e a admiración, podes premer no comentario que lle adican en “Trafegando ronseis“, toda unha referencia entre os blogues de bibliotecas escolares e máis.

Aquí, deixámoste a portada e a contraportada do libro, que en breve chegará á nosa biblioteca.

Advertisements

Sinatura de libros

Agora que xa estamos de vacacións pode ser un bo momento para ler aquilo que nos quedaba pendente, ou explorar outros títulos. Esta nota é para avisar que o vindeiro luns, 23 de decembro, a escritora lucense Marta Rivera de la Cruz asinará exemplares da súa última novela titulada “La boda de Kate“, na librería Biblos a partir das 19’00 horas. Aquí tedes a portada do libro. 

Conferencia: “A muralla cohabitada”

Con motivo da proximidade do “Arde Lucus“, na Librería Biblos, organizan unhas xornadas os vindeiros días 12 e 13 de Xuño, mércores e xoves desta semana, ás 20,15 horas, nas que, collendo como referencia o libro do fotógrafo lucense Xosé Reigosa, que leva por título A Muralla Cohabitada,  durante esas dúas cornadas intervirán diferentes persoeiros vencellados ao mundo cultural e artístico da nosa cidade, todos eles retratados no libro de Reigosa, que fará de moderador da charla-coloquio. Desde diferentes perspectivas e puntos de vista multidisciplinares, presentarán diversas achegas ao significado e a aquilo que representa a Muralla Romana para todos os galegos e, especialmente, para os e as lucenses.

Sen dúbida, unha gran iniciativa da que dende a Biblioteca nos facemos eco e á que invitamos a todos vós.

Chégannos…frescas

Chégannos un feixe de novas da Librería Biblos, para os vindeiros días.

  • Así,o venres 12 ás 19’oo h. haberá un contacontos de balde para cativos de infantil e primaria.

 

 

 

 

 

  • E de seguido, ás 20’00 h. faise a presentación en Lugo da novela de Xosé Mª LemaCosta do solpor“, editada por Xerais. O acto contará tamén coia participación, a maiores do autor, de Primitivo Iglesias e de Manuel Bragado , director da editorial. Esta obra, finalista do “premio Xerais”, conecta a novela tradicional de aventuras como “A illa do tesouro” coa xeografía galega da Costa da Morte.

 

 

 

O martes 16 de abril, ás 20’15h. , haberá un acto no que  se contará con Xesús Alonso Montero, antigo profesor do noso centro, e un dos actuais candidatos á Presidencia da Real Academia Galega. No acto, tamén participarán os poetas lucenses Claudio Rodríguez Fer Carmen Blanco.



Taller de Lectura

Noticias frescas. Nesta ocasión informamos que hoxe mesmo pola tarde, na “Librería Biblos“, que está a carón do noso instituto, hase celebrar un Taller de Lectura con Ana Alcolea, que é unha afamada autora especializada en literatura infantil e xuvenil. Así, entre outros, conseguiu en 2011 o “Premio Anaya de Literatura Infantil e Juvenil“, na súa oitava edición coa obra “La noche más oscura“. Tedes aquí o cartel.