Conmemoración do Día dos Dereitos Humanos

Para conmemorar unha data tan relevante, varios cursos do noso centro participaron na elaboración de cartaces, murais e tamén textos sobre ese tema. Nós tamén colaboramos coa presentación, nun dos paneis, de textos e imaxes a partir do material publicado polo Seminario Galego de Educación para a Paz.

Agora presentamos unhas imaxes de todo ese material.

Advertisements

Día do Libro-Materiais

Xa temos aquí o material das actividades sobre o Día do Libro deste ano. Están tamén en formatos diversos para que cada quen escolla o que máis lle guste.

En primeiro lugar, sobre a “Exposición de Profesores-Autores” e, en segundo lugar, a outra “Exposición sobre a conmemoración dos 400 anos da segunda parte de “El Quijote”, na que se poñían en relación textos da obra a carón das esculturas de Suso de Marcos (a quen dende aquí agradecemos enormemente que nos permitira usar imaxes de parte da súa obra para  a exposición). En ámbolos dous casos, temos unha imaxe estática que ao premer nela se despregará un libro virtual para podela ver o contido de calquera das exposicións con máis vagar.

Poster-antonioCartel Día do Libro

Da segunda das exposicións tamén temos un vídeo, que é o que segue.

Finalmente, a Guía de Lecturas que editamos para ese día, con novidades que presetntamos para ese día, algunha das cales foi petición do alumando, e que se poden coller nos estantes da nosa Biblio.

Día do libro

 

Outubro: Mes da Biblioteca (V)

Rematamos as notas desta semana de conmemoración do Día da Biblioteca Escolar coa nova Guía de Lecturas sobre lecturas científicas. Todos estes libros, e outros máis, podédelos atopar na entrada da Biblioteca, no expositor. Estamos certos de que son o suficientemente atractivos e que resolverán algunhas das dúbidas máis cotiás que temos sobre diversas situacións. Os títulos son rechamantes, non si?

Para ve-la guía, tan só hai que premer na maxe.

Outubro: Mes da Biblioteca (II)

O vindeiro 24 deste mes, celébrase o DÍA DA BIBLIOTECA. Esta data foi creada en 1997 pola ASOCIACIÓN ESPAÑOLA DE AMIGOS DO LIBRO INFANTIL E XUVENIL, co patrocinio do Ministerio de Educación, Cultura e Deporte, coa finalidade de concienciar á nosa sociedade da importancia da lectura, especialmente entre os cativos e  a mocidade e para resaltar o gran labor que realizan os bibliotecarios e bibliotecarias.

No presente ano o cartel e o pregón son de Andrés Rábago (máis coñecido como “El Roto“, coñecido debuxante do xornal “El País”) e de Laura Gallego (tamén coñecida polas súas series de literatura fantástica) e os actos conmemorativos han se celebrar en Segovia. 

Aquí vos deixamos o cartel conmemorativo e, nunha imaxe, o texto que escribiu Laura Gallego para a dita conmemoración. 

“One Woman”

Interesante iniciativa a da ONU-Mulleres, unha entidade da ONU para fomenta-la igualdade de xénero, que para conmemora-la data do 8 de marzo conseguiron o apoio de mulleres artistas de diversas nacionalidades de todo mundo para realizar unha canción titulada así: “One woman“. A canción pódese mercar a través de varias canles e os cartos conseguidos serán empregados para mellorar a súa vida. O custe é de só 0’70€.

Podes acceder á máis información, e escoitar a canción, ou mercala, na web de “One Woman“, premendo na imaxe.

10 de decembro-Conmemoración

Remata xa a semana ampla, na que se tratou o tema dos Dereitos Humanos, que aínda colea nas derradeiras sesións de titoría antes das vacacións de Nadal.  Na nosa exposición, como xa se indicara, a carón das fotografías e dos comentarios realizados por autores relevantes como a periodista Maruja Torres, ou os escritores Juan José Millás ou Goitysolo, tamén aparecía polo seu interese o discurso de Gervasio Sánchez cando recibiu o premio Ortega e Gasset. E tamén, para gañar en “interactividade” colocouse un espazo para que, quen quixer, colocara os seus comentarios sobre dúas fotografías ou sobre o conxunto da exposición.

Agora, xa é hora tamén de ir recollendo os materiais e, por iso, como clausura, deixamos aquí as fotos dos paneis do vestíbulo onde se realizara, antes de deixalo todo libre para colocar as recomendacións de lectura para o Nadal.

 

10 decembro-Día dos Dereitos Humanos

Como conmemoración nesta data do 10 de Decembro, Día Universal dos Dereitos Humanos, aproveitamos unha Exposición fotográfica de Gervasio Sánchez -organizada polo Ministerio de Educación, Cultura e Deporte- que está a percorrer a xeografía española e que comezou en Madrid e rematará no vindeiro mes de abril. Nós, seleccionamos un feixe desas fotografías para levar a cabo a nosa particular exposición durante esta quincena.

Por que Gervasio Sánchez? Por que é un recoñecido recporteiro fotográfico que ten recibidos un monte de premios (o Ortega e Gasset no 2008, ou  o Nacional de Fotografía en 2009, entre outros moitos) e que adica gran parte do seu traballo e da súa vida, a pórnos diante da nosa face aquilo que moitas veces non queremos ver. Precisamente, como demostración do seu compromiso coa defensa dos Dereitos Humanos, protagonizara unha coñecida polémica no momento de recoller o premio “Ortega e Gasset”, pois puxo en envidencia a dobre linguaxe que en ocasión se emprega nas democracias occidentais: por unha banda, hai grandes parlamentos na defensa dos dereitos humanos e, por outra, somos os principais vendedores de armas do mundo.

Empregaremos, pois, parte dos seus materiais para tratar nas Titorías ou noutras materias varias cuestións relacionadas con esta conmemoración. Estes materiais son os que están expostos tamén nos paneis do vestíbulo e aquí presentamos unha pequena escolma gráfica  que é a que sigue:

[kml_flashembed publishmethod=”static” fversion=”8.0.0″ movie=”http://bibliolucus.blogaliza.org/files/2012/12/10-decembro1.swf” width=”470″ height=”350″ targetclass=”flashmovie”]

Get Adobe Flash player

[/kml_flashembed]

Tamén deixamos en formato PDF, os seguintes complementos:

  • A presentación impresa en formato PDF da exposición do noso vestíbulo.
  • O discurso da entrega do premio “Ortega e Gasset”.
  • Premendo no título, poderás ver o traballo nun seu blogue titulado “Os desastres da guerra“.
Esperamos que vos sexa de proveito.

25 de novembro: Día contra a violencia de xénero (III)

Esta man é que mellor representa o espírito da conmemoración adiantada ao pasado venres 23, do “Día contra a violencia de xénero“.

Tamén, temos que destacar entre os actos e actividades organizados no Centro para a súa conmemoración, a “performance”  realizada no vestíbulo, na que gran parte do alumnado e do profesorado ergueron as súas mans pedindo o cese da violencia contra as mulleres.  Colocáronse, tamén, mans de cores en diferentes dependencias e realizáronse diferentes narracións das que escolmaremos en breve aquelas máis orixinais. De momento, podedes ver unha animación onde aparecen varias desas actividades.

[kml_flashembed publishmethod=”static” fversion=”8.0.0″ movie=”http://bibliolucus.blogaliza.org/files/2012/11/25-novembro-Presentation2.swf” width=”500″ height=”400″ targetclass=”flashmovie”]

Get Adobe Flash player

[/kml_flashembed]

25 de novembro: Día contra a violencia de xénero (II)

Xa están aparecendo no noso Centro diferentes actividades, organizadas por departamentos e por titorías, para conmemorar o Día no que se quere facer unha chamada á concienciación para desbotar a violencia de xénero da nosa sociedade. Nós tamén queremos deixar o noso gran.

Así, mirando pola arañeira (internet), vimos unha campaña que organiza a Deputación de Sevilla, que nos chamou a atención porque nun cartel se chamaba á complicidade de todos para facer fronte a estes sucesos. A denuncia destas situacións prodúcese sempre cando o fenómeno xa está avanzado, pero no que debemos traballar é nunha maior concienciación para que non se produza. O cariño é unha arma moi poderosa (“all you nead is love“, dicían  The Beattles).

Así, a partir dun cartel, creamos esta animación para contribuír á conmemoración.

[kml_flashembed publishmethod=”static” fversion=”8.0.0″ movie=”http://bibliolucus.blogaliza.org/files/2012/11/25-novembro-violencia-xenero.swf” width=”500″ height=”400″ targetclass=”flashmovie”]

Get Adobe Flash player

[/kml_flashembed]

25 de novembro: Día contra a violencia de xénero (I)

Foi a Asemblea Xeral da ONU quen o 17 de decembro de 1999 aprobou que cada 25 de novembro se celebrara o Día Internacional para a Eliminación da Violencia contra a Muller, a proposta da República Dominicana, en memoria das irmás Mirabal, e que contou co apoio inmediato de 60 países para, finalmente, ser aprobada pola devandita Asemblea Xeral.

Así, a maiores doutras actividades que se veñen celebrando no Centro, e das que daremos puntualmente información, dende a Biblioteca queremos sumarnos ofrecendo unha escolma de recursos que poden ser empregados durante estes días.

Para o 1º Ciclo: recomendamos a visión da curtametraxe “Amores que matan” realizado por Icíar Bollaín, no ano 2000, cunha duración de 20 minutos e que pode servir para realizar con posterioridade un debate sobre os temas que alí aparecen e, mesmo un pequeno traballo sobre as características dos personaxes que alí interveñen e sobre se nos vemos representados neles ou coñecemos a alguén da nosa contorna que se nos asemellara.  Podemos ver a curtamentraxe a continuación.

 

 

  • Para o 2º Ciclo: pódese ver a película “Te doy mis ojos“, curiosamente da mesma directora, realizada en 2003 onde explora, xa en formato de ficción, mais tamén cun certo aire documental, o mesmo tema. Premendo no título poderás ver a ficha técnica da película e unha pequena sinopse. O DVD, pódese pedir prestado na Biblioteca, e pódese acceder a materiais didácticos sobre a película en educarenigualdad.org , edualter.org entre outros

 

  • Para BAC: a mesma película e como complemento, un artigo titulado “Amores que matan“, publicado no xornal “El Mundo” en 1998 (efectivamente, hai 14 anos xa existía este problema), onde se fai unha reflexión naquel momento sobre como as diferentes vías para enfocar unha posible solución. Pódese facer unha valoración sobre se no momento actual, se adoptaron ou non as formulacións que alí aparecen e se, a curto prazo, se albisca a súa superación.