Mes cultural III. Exposición: Territorio das artes

Aproveitando que este ano o lema das Bibliotecas Escolares era “Territorio  das artes“, presentamos a exposición que levamos a cabo a comezos deste mes con fondos  da Biblioteca relacionados coas artes (libros de arquitectura, películas sobre artistas, Banda deseñada…) e, ao mesmo tempo, presentouse a actividade titulada co lema “Outras miradas” na que o alumnado de Plástica amosaba a súa interpretación de diversas obras artísticas.  Aquí tedes o vídeo das súas exposicións.

Advertisements

Exposición de moedas (II)

Faltando case nada para o remate do curso, publicamos un vídeo onde podedes ver a interesante exposición de moedas castrexas (premoedas) e romanas, ás que faciamos referencia nunha nota anterior. Vai ser recollida de contado, polo que é o xeito de que permaneza na rede e que a podamos ver noutros instantes.

De novo, agradecemos ao propietario que nos ofrecera a súa visión.

Exposición de Obed

Hai pouco un noso alumno de 2º de BAC, Obed Marshall, presentaba unha exposición con varios dos seus traballos. Obed xa tiña colaborado en anos anteriores noutras exposicións e traballos realizados pola Biblioteca en colaboración con outros departamentos e con Orientación. Así, varios dos seus deseños foron carteis anunciadores do Día contra a Violencia de Xénero, nos pasados novembro de 2014 e 2015.

25 novembroObed-lenzo

Nesta ocación, amosamos un vídeo que inclúen imaxes das obras presentadas na exposición anterior, titulada “Entre papeis e pinceis“,  co que queremos agradecerlle a colaboración durante estes anos no Centro e desexarlle sorte nos estudos que comece na universidade o vindeiro curso.

NUESTROS LIBROS, NUESTRA HISTORIA

Para conmemorar o Día do Libro, xunto co Departamento de Lingua Castelá e Literatura estes días pódese visitar, no vestíbulo de entrada, a exposición NUESTROS LIBROS, NUESTRA HISTORIA, na que se poden ver unha morea de exemplares que pertencen aos fondos da Biblioteca Histórica do noso centro.

Neste caso, son libros que van dende o ano 1587, o máis antigo, ata finais do século XIX, e aparecen obras como o “Teatro Crítico Universal” de frei Benito Feijóo, ou unha “Gramática de la Lengua Castellana“, editada en 1796 pola Real Academia Española, unha edición de 1783 das “Novelas Ejemplares” de Cervantes ou o “Sistema de los vegetales” de Linneo, editado en 1778.

Pero se prefires ver as imaxes individualmente, preme na imaxe

Cartel-2

Repercusión da exposición “O ensino polo aspecto”

Pasados xa varios días dende que se presentara a exposición “O ensino polo aspecto“, que está reseñada unhas notas antes, podemos ver hoxe na rede un pequeno artigo no xornal “El Progreso” no que se fai referencia dela. Polo seu interese deixamos aquí a ligazón.

No artigo, destácase o papel didáctico e visual das placas de cristal dende finais do XIX até a década dos 40 do século XX que será cando comezan a aparecer as diapositivas.

Exposición “O ensino polo aspecto”

 A partir dos fondos propios do centro, presentamos unha exposición que, coidamos, é moi interesante. Consiste, por dicilo rapidamente, nos devanceiros das diapositivas ou das imaxes dixitais actuais e dos seus aparellos de proxección.

Un dos obxectivos contemplados xa polas primeiras leis educativas do liberalismo decimonónico foi o de facilitar a utilización de medios que permitisen un modelo de ensino público máis pragmático. Os recursos tecnolóxicos dispoñibles naquel momento eran evidentemente moi rudimentarios comparados cos actuais.

As placas de cristal chegaron aos institutos españois nas últimas décadas do século XIX, e continuaron servindo ao ensino como elementos didácticos cando menos ata a Guerra Civil. As vistas sobre placas de vidro tiñan, normalmente, unhas dimensións de 8,5 x 10 cm. e repartíanse en axeitadas caixas de madeira que permitían a súa organización, selección e conservación. Os aparellos de proxección chamábanse EPIDIASCOPIOS (=Ver a través de…), polo que as placas tamén recibían o nome de placas epidiascópicas.

Hoxe estamos acostumados á utilizar aparellos de proxección moi perfeccionados, pero debe entenderse que os epidiascopios e as placas de cristal son os antecedentes inmediatos das diapositivas e dos medios dixitais actuais, que permitiron desenvolver ese modelo de ensino que no seo momento se chamou “ensino polo aspecto”.

23 Abril-Día do Libro

Este ano, na data da conmemoración do Día do Libro, presentamos dúas exposicións que se complementan e que podemos ver no vestíbulo. Así temos, realizada polo Departamento de Xeografía e Historia, a exposición de “Profesores-autores do Lucus Augusti” na que podemos ver un feixe de fotografías, unha pequena escolma biográfica e varias obras dalgúns dos persoeiros que foron profesores, historicamente, do Centro. Moitos deles, pola súa antigüidade, serán descoñecidos pero hai outros, que aínda que xa mortos, deixaron unha pegada importante no seu campo de coñecemento como Luciano Penendo, ou Amable Veiga. Porén, todos foron parte da historia do noso centro e relevantes por algún motivo.

Poster-antonioPor outra banda, e xa máis centrada co momento actual, quixemos conmemorar o 400 aniversario da segunda parte de “El Quijote”. Así, amósanse un feixe de láminas da obra de “Suso de Marcos“, escultor galego orixinario de Boimorto e que, actualmente, reside en Málaga, e que amablemente nos permitiu empregar as imaxes da súa obra. Presentámolas a carón dun pequeno texto desta segunda parte do Quijote, que é a a clave para a interpretación da lámina. De momento, deixamos o cartel anunciador e un tríptico sobre as láminas. En breve, igual que coa exposición anterior, teremos un vídeo para facer un pequeno percorrido visual polas dúas exposicións.

Cartel Día do LibroAquí temos o tríptico. Premendo sobre a imaxe, xurdirá un .pdf coas láminas da exposición.

tríptico

Xogos matemáticos-2

wordle mate

Aquí presentamos a segunda parte dos materiais da exposición dos “Xogos Matemáticos“. Se na anterior tiñamos unhas fotos dos alumnos experimentando cos xogos e intentando conseguir as figuras xeométricas e outras actividades, nesta nota podemos ver unha imaxe do panel coas lecturas recomendades, tamén a Guía de Lectura específica e un nubeiro de palabras sobre as matemáticas, que é a imaxe que encabeza esta nota. E para rematar, un vídeo que realizamos sobre o conxunto da exposición.

proba

tríptico

E por fin o vídeo.

Puxemos un vídeo pero tiñamos máis…

Exposición: Revistas escolares

Durante estes días está presente no vestíbulo do noso centro unha exposición de revistas escolares. Estas revistas, unhas 40, foron editadas en institutos históricos entre 1910 e 1960 e permanecían nos fondos do Arquivo do Instituto. Daquela, eran confeccionadas polos propios alumnos e tamén polo profesorado de centros como o Instituto San Isidro de Madrid, o Pérez Galdós de As Palmas de Gran Canaria, ou o Cardenal Mendoza de Burgos, entre outros.

Cartel

Coma hoxe, os artigos facían mención dos actos máis importantes levados a cabo no centro. Dende as excursións dos alumnos até as visitas recibidas (por exemplo, a visita de Franco, a un destes institutos) pero tamén había traballos e artigos sobre as diferentes materias. Como comentaba o noso Catedrático de Historia, Antonio Prado, era común que houbera relacións entre os institutos e se mandaran as revistas uns a outros como elemento de cortesía e para manter a relación.

De seguido, presentamos unha pequena mostra de fotografías da exposición. No cartel que anuncia a exposición tamén se pode ver algún exemplar antigo da revista do noso Centro.