Día Escolar da Paz (II)

Rematamos xa a Semana adicada ao Día Escolar pola Paz e a Non Violencia, cun feixe de fotografías da exposición de fondos realizada no vestíbulo do noso Centro. Nos expositores aparecían individualizados fondos de Banda Deseñada, de libros e de DVD’s.

Tamén temos unha foto do cartel da exposición e nos paneis están as fotografías do motivo específico deste ano “Mulleres de P@z”.

Día Escolar da Paz e a Non Violencia

Presentamos aquí os materiais realizados para a conmemoración desta data. Na parte inferior esquerda, temos a Guía de Lectura, na que aparecen os fondos que se expoñen no vestíbulo do centro -DVD’s, libros e exemplares de Banda Deseñada- que teñen relación coa conmemoración. Na parte da dereita, hai un folleto no que explica o porqué da data e o porqué da conmemoración pois, temos tantos días con conmemoracións que se acaba perdendo o sentido e a razón dese día.

 guia-portada                                         follero

Tamén quixemos engadirlle ao día un motivo específico este ano. Así, o tema é salientar as mulleres que tiveron o Premio Nobel da Paz. Efectivamente, hai un feixe delas. E precisamente esa é a formulación pensada para este ano: xuntar a idea da Paz e visibilizar a presenza da muller entre os Premios Nobel. Na presentación,titulada “Mulleres de Paz“, aparece unha pequena reseña, a foto da protagonista e o ano e a bandeira do seu país. Pódese ver no vídeo que está aquí debaixo.

8 de marzo 2015

Coma tódolos anos o 8 de marzo conmemórase o “Día da Muller Traballadora“. Este ano temos moitas e moi relevantes actividades no instituto sobre esta data.

Por unha banda, un pequeno exercicio de lectura e investigación a partir de dous interesantes documentos que se poden descargar en formato .pdf, premendo no título correspondente: “Mulleres na historia da ciencia” e “As primeiras docentes de ciencias na Universidade de Santiago“. Unha vez lidos, pódense respostar as preguntas que se formulan na seguinte imaxe e proceder a un intercambio de impresións.

día da muller

Pero ademais, este ano queriamos que tivera como motivo condutor a figura de dúas irmás xemelgas –Jimena e Elisa Férnández de la Vega-, aproveitando que sobre a súa figura se han levar a cabo diversas actividades durante todo este mes por parte das Concellerías de Cultura e Benestar e Igualdade do Concello de Lugo xunto coa Fundación TIC da Deputación de Lugo, o Departamento de Orientación do centro conseguiu a nosa participación nalgunhas desas actividades. que son as seguintes:

  • 9 de marzo.
    • Inauguración dunha Exposición divulgativa da vida, traxectoria, aportacións e obra das irmás Jimena e Elisa Fdez. de la Vega Lombán que se pode ver xa no vestíbulo.
    • Charla para o estudantado de 3o e 4o da ESO das 13:25 as 14:15 h. a cargo do profesor Ricardo Gurriarán Rodríguez, sobre as dúas irmás.
  • 11 de marzo.
    • Charla para o estudantado de 3o e 4o da ESO das 13:25 as 14:15 h. a cargo da profesora e biógrafa das irmás Fdez. de la Vega, Ánxela Bugallo (que o mesmo día, para todo o público, ás 18’00 h. no Centro de Convivencia Uxío Novoneyra levará a cabo a conferencia “Abrindo caminos: As primeiras licenciadas“.

Son moitas cousas, das que daremos máis información nos vindeiros días, pero se queredes ter unha referencia de quen foron as dúas irmás, podes mirar nas entradas correspondenstes a cada unha delas en culturagalega.org: sobre Jimena e sobre Elisa.