Máis Premios: Nobel de Literatura 2014

Seguimos reseñando os últimos Premios Nobel. Desta volta, temos xa expostos 2 obras do Premio Nobel de Literatura 2014: Patrick Modiano. Aínda que para a maior parte da xente sexa un descoñecido, non o é non ambiente literario francés onde representaba, até este ano, ao eterno candidato que non remataba de o conseguir. Así pois, imos en primeiro lugar cunha pequena introdución sobre quen é o autor e, de seguido, un breve comentario sobre 2 das súas obras máis relevantes, que están presentes no expositor das novidades.

modianoPatrick Modiano nace en Boulogne-Billancourt o 30 de xullo de 1945. Fillo dunha actriz belga e dun home de negocios italiano, creceu entre Jouy-en-Josas e a Alta Saboya. As ausencias repetidas dos seus pais achéganno ao seu irmán maior, Rudy, que morre á idade de dez anos. Tras aprobar a selectividade, decide dedicarse plenamente á escritura. As súas primeiras obras viran ao redor da ocupación nazi e o colaboracionismo (O lugar da estrela, galardoada co Premio Roger Nimier e o Premio Fénéon, A rolda de noite e Os bulevares periféricos).

En 1978 obtén o Premio Goncourt pola Rúa das tendas escuras, unha novela na que a Segunda Guerra Mundial, e en 1984 recibe o Premio da a Fundación Pierre de Mónaco polo conxunto da súa obra. Outra obras importantes serán No café da mocidade perdida, declarada por Lire a mellor novela francesa de 2007 («Dunha beleza inaudita» en palabras da directora de cine española Isabel Coixet), e tamén a Triloxía da Ocupación (que agrupa as súas 3 primeiras novelas:  O lugar da estrela, A rolda nocturna e Os paseos de circunvalación).

triloxíaA Triloxía da Ocupación (O lugar da estrela, A rolda nocturna e Os paseos de circunvalación)) é o primeiro e máis brillante bisturí novelístico da turbiedade, a complicidade social e a fantasmagoría, do antisemitismo, o crime organizado e a festa dalgúns neste negro período do século XX francés. Concretamente do París ocupado, a súa xestación e consecuencias. Entre o delirio, o soño e a falsificación desfilan todas as pantasmas da época. Entre elas, o pai “ese eterno modianesco”, unha banda criminal que vira no seu proveito a ameaza do inimigo e a tolemia ideolóxica “retrato do soporte intelectual daqueles anos” dun xudeu antisemita.

Modiano-café

No café da mocidade perdida, é unha fermosísima novela sobre o poder da memoria e a procura da identidade. París, anos 60. No café Condé reúnense poetas malditos, futuros situacionistas e estudantes fascinados pola bohemia parisiense. E aínda que a nostalxia daqueles anos perdidos parecería ser o tema central da novela, Modiano dálle un xiro sorprendente. Porque esta é tamén unha novela de misterio. Todos os personaxes, todas as historias, conflúen na enigmática Louki. Catro homes cóntannos os seus encontros e desencontros coa filla dunha traballadora do Moulin-Rouge. Algúns a buscan, outros a aman, e para case todos eles a moza encarna o inalcanzable obxecto do desexo.

A obra de Modiano caracterízase por un tono directo dotado dunha gran beleza; atende á memoria histórica, mais tamén á súa historia persoal; e ten  no París da Segunda Guerra Mundial non só o escenario para as súas historias, senón que a cidade tamén se converte nun dos principais personaxes. Este gran autor, dunha estremada sensibilidade, describe nas súas ficcións a procura da propia identidade, que oscila entre o recordo desgarrador e a tentación da amnesia benéfica. Recibe o Premio Nobel de Literatura 2014.

(Fontes: Anagrama-ed.es e Casadellibro.com)

Para saber máis: http://cultura.elpais.com/cultura/2014/10/09/actualidad/1412852792_619343.html 

(Nota final: seguimos á espera de poder ofrecer estas 2 obras. Infórmannos da librería que se están reimprimindo, polo que en breve disporemos delas. Cando cheguen avisaremos).

Advertisements

Malala, Premio Nobel da Paz 2014

Retomamos o ritmo no blogue cunha nova recente de gran relevancia: o comité noruegués dos Premio Nobel, concederon o Nobel da Paz 2014 a Malala Yousafzai e ao hindú  Kailash Satyarthi.

A historia de Malala xa é bastante coñecida. Cando tiña 12 anos (2009) e os talibáns ocuparon o val do Swat  onde vivía en Paquistán, unha das primeiras medidas que adoptaron foi a de prohibir que as nenas poideran seguir indo á escola. moitas das súas compañeiras deixaron de facelo, por temor, mais ela continuou acudindo. como consecuencia foi tiroteada na face polo que tivo que ser operada varias veces en Gran Bretaña. A pesar de todos os problemas continua defendo o dereito das nenas a recibir educación en igualdade de condicións cós rapaces. De seguido, premendo na imaxe, podes ver un vídeo, gravado pouco despois de ser atacada, onde manifesta o seu compromiso con esa idea.

malala-video

O ano pasado, presentou xunto con Christina Lamb o libro “Yo soy Malala“, onde explica a súa curta vida. Como con 11 anos comezou a traballar como “blogueira” para a BBC e como era a súa vida en Paquistán antes e despois da chegada dos talibáns e sobre a defensa dos seus dereitos. Un interesante libro, real, sobre unha experiencia vital enormemente vibrante, que podes ver presente nos andeis da nosa biblioteca.

malala

Tamén fora moi comentada a súa intervención perante a Asemblea Xeral das Nacións Unidas nas que fixo unha intervención en defensa dos dereitos da infancia e do dereito á educación.

As palabras do Secretario Xeral da ONU, referidas a ela, deberían servir para nos facer reflexionar sobre a importancia da educación: “Os estremistas demostraron que é o que máis temen: a unha nena cun libro“.

Lecturas para o verán

Aquí vos deixamos a primeira das nosas suxestións para o verán. Aínda que subiremos algunha máis para que haxa variedade para todos os gustos, esta primeira consiste en calquera dos libros de Alice Munro, a última Premio Nobel de Literatura. Aínda que por aquí non é demasiado coñecida, si que ten moita sona en Norteamérica e durante as vindeiras vacacións pode ser un bo momento para introducirse noutras literaturas. Na guía, comentamos 3 dos seus libros que son os que temos na Biblioteca. Son un feixe de historias pequenas, pero que duran no tempo, nas cales as protagonistas son mulleres de todo tipo e condición. Están moi ben narrado, cunha linguaxe sinxela non exenta de lirismo. Pero que, seguro, nos deixarán un certo regusto no padal, obrigándonos a ler outra e outra, e outra historia.

Alice Munro

Morreu Doris Lessing

Este luns chuvañento ábrese coa nova do pasamento, en Londres cando tiña 94 anos, de Doris Lessing. Muller de vida azarosa e interesante que, para moitos e moitas, representa un paradigma do que foi o século XX. Nace en Persia, actual Irán, de onde se traslada coa súa familia a Rodesia -actual Cimbabue- cando contaba con 6 anos. Alí choca coas estruturas racistas de imposición da minoría branca sobre a maioría negra, marcha da casa, sobrevive soa, traballa, casa, ten dous fillos e únese a un grupo de debate comunista. Divórciase, volta casar, marcha a Londres, ten outro fillo, entra e sae no Partido Comunista, e participa en protestas feministas e antinucleares.

Por esas datas, falamos de 1950, comeza a escribir e non será até 1962 cando publica a primeira grande obra que a consagra como unha escritora reputada, “O Caderno dourado”. Esta obra cunha innovadora estrutura será a que a convirta nunha icona do movemento feminista e permita continuar cunha obra poderosa e fundamanetal, se ben, non últimos anos, criticouselle unha derivación cara á ciencia-ficción de pouca calidade.

 No pasado 2001, recibe o Premio Príncipe de Asturias e, posteriormente, no 2007 o Premio Nobel de Literatura pola capacidade para transmitir a épica da experiencia feminina e narrar a división da civilización con escepticismo, paixón e forza visionaria. 

Deixa unha ampla obra da que aquí, na nosa Bilioteca, contamos coa a súa obra máis relevante editada por GalaxiaO caderno dourado“.