Aprender a pensar…na Biblioteca escolar

Encabezamos esta nota co lema escollido, este ano, na rede de Bibliotecas Escolares para que sirva de motivo durante todo o curso.

Próxima xa a exposición que sobre o lema deste curso, presentamos estes libros como avance.

Filosofía para mentes inquietas

Historia de la Filosofía sin temor ni temblor

El libro de la Filosofía

Los Simpson y la filosofía

Son libros divulgativos nos que se repasan as teorías filosóficas máis importantes da historia (existencialismo, racionalismo…), aparecen os autores máis relevantes (Descartes, Platón, Kant…) e nos que aparecen preguntas  que, en ocasións, son de difícil resposta: existen diferentes tipos de verdad?

En breve, presentaremos o vídeo con toda a exposición.

Advertisement

Recomendacións lectoras para o Nadal

Velaiquí tedes as recomendacións lectoras para as vacacións deste Nadal 2017. Hai algo de Banda Deseñada como a novela gráfica sobre o diario de Anne Frank, o último best-seller en España, Patria de Fernando Aramburu,  un clásico da literatura xuvenil como a “Matilda” de Roald Dahl, varios atlas visuais de Historia, ou a última obra de Jorge Mira que xa tiñamos aquí comentado.

E, para rematar, algo de feminismo con “Feminismo para principiantes“, unha obra para ter unha idea clara do tema. Especialmente recomendada para “eles”.

Que os disfrutedes!!!

Novas adquisicións

El Diario de Anne Frank. Ari Folman. (David Polnsky)

Está considerada como unha das novelas máis esclarecedoras sobre a era nazi. Isto fixo que fora reeditada moitas veces e se crearan innumerables historias arredor dela.

Non obstante, nunca houbo un traballo gráfico sobre el. Pero Ari Folman e David Polonsky encargáronse de recrear o diario en cómic.

 

---

Feminismo para principiantes. Nuria Varela. (B de bolsillo)

Quen eran as sufraxistas? De onde procede a expresión mal entendida de “feminismo radical? Por que o feminismo foi ridiculizado e vilipendiado? Por que as feministas foron cualificadas de “marimachos”, feas ou sexualmente insatisfeitas? Como e onde xorde o término “violencia de xénero“? Cal é a ridícula relación entre feminismo e accidentes de tráfico? Que é a masculinidades? A partir destas e doutras preguntas, a autora repasa tres séculos de loita e dos seus líderes, e narra a aventura dunha axitación social que ningún outro movemento logrou manter viva tanto tempo.

---

Irène. Pierre Lemaitre. (Debolsillo)

A novela mais orixinal e poderosa dos últimos anos. O comandante Camille Verhoeven vive a vida perfecta. Está casado coa marabillosa Irène, coa que espera o seu primeiro fillo. Pero a súa felicidade remata tras un asasinato inusualmente salvaxe. Dado que a noticia se fai pública, a prensa arremete contra el e cada un dos seus movementos convértese en noticia na primeira páxina.

Verhoeven descobre que o asasino xa matara antes. Cada un dos seus crimes parece homenaxear a unha novela negra clásica, polo que os xornalistas lle poñen un alcume: “o novelista”. Aos que poden axudar a atopalo engádense a lista de sospeitosos: un libreiro e un profesor universitario especializado en ficción criminal. A investigación convértese así nun duelo intelectual e nunha aterradora carreira contra o tempo.

---

Los miserables. Víctor Hugo

Parcialmente inspirada nun personaxe real, Eugéne François Vidocq, “Los miserables” narra a loita por redimirse do ex convicto Jean Valjean. Pero non se trata dun simple cadea de vicisitudes: Víctor Hugo fai desta novela unha reflexión sobre os problemas da súa época e cuestións trascendentais como a naturaleza do Ben e do Mal.

Os clásicos volven estar de moda. Neste caso, a partir da película presentada hai pouco tempo.

---

A que altura está o ceo. Jorge Mira. (Alvarellos Editora)

Velaquí una das preguntas que leva formulando o ser humano desde os albores da súa existencia: A que altura está o ceo? Este libro vainos dar a resposta. A esta cuestión. e a moitas outras. O físico e comunicador científico Jorge Mira realiza unha apaixonante viaxe no tempo. Comeza na época da Grecia clásica e chega ata os descubrimentos máis recentes sobre o universo. Despois de ler estas páxinas poderemos responder a cuestións como estas: Por que vemos o ceo azul ou o Sol amarelo? Como se puido saber a que altura están a Lúa, o Sol e os planetas? Como é posible calcular o lonxe que está unha estrela ou unha galaxia?Cal é a idade do universo? E o seu tamaño? Que quere dicir que o universo se expande? E a que o velocidade fai? É certo que foi un cura quen primeiro falou do Big Bang?

---

50 Conceptos de fotografía. Tecnología y técnicas. Brian Dilg. (Blume)

Desde a ciencia de converter a luz en información dixital ata as implicacións filosóficas de conxelar un momento no tempo, as grandes ideas abórdanse en unidades miniatura: dúas páxinas, 300 palabras e unha imaxe representativa cada vez. Inclúense fotografías recoñecidas mundialmente, desde os primeiros daguerrotipos ás obras e biografías contemporáneas máis innovadoras de fotógrafos destacados. Este conciso análise captará a curiosidade do lector e exporalle as novas ideas sobre as cámaras, a fotografía e a cultura visual que lle rodea.

---

Teorías económicas sugerentes y desafiantes. Donald Marron. (Blume)

Un enfoque revolucionario para entender as teorías económicas máis importantes. Explícanse as ideas económicas máis complexas, utilizando non máis de dúas páxinas, ao redor de 300 palabras e unha imaxe. Desde o marxismo ata o mercantilismo e todo o que hai entre ambos: un curso acelerado definitivo sobre a teoría económica. Economía keynesiana, capitalismo de libre mercado, monetarismo, teoría dos xogos, a man invisible, todos estes conceptos son explicados de forma sinxela e apoio visual.

Novas adquisicións

Atlas ilustrado de la Primera guerra mundial

A Primeira guerra mundial, o primeiro acontecemento histórico documentado pola fotografía, supuxo o comezo dun século tráxico que deixou tras de si unha terrible estela de morte e devastación.

Con máis de 400 imaxes e 70 fichas temáticas, os autores desta completa guía pretenden dar unha visión global do conflito que vestiu de loito a Europa do século XX.

Atlas ilustrado de la Segunda guerra mundial

Máis de 700 imaxes procedentes dos arquivos de Magnum-Contraste, Roger Viollet e Giunti.

Realizadas por mestres da fotografía como Robert Capa ou Henri Cartier-Bresson ilustran este magnífico percorrido pola máis devastadora guerra “total” que involucrou a centos de millóns de persoas en todos os recunchos do mundo.

Atlas ilustrado de la II República española.

Unha excelente e completa guía para comprender o período político da II República, desde a súa orixe o 14 de abril de 1931 ata o final da Guerra Civil Española.

Atlas ilustrado de la guerra en la antigüedad. Roma

É difícil entender como a cidade de Roma pasou de ser unha vila sinxela para gobernar a maior parte do mundo coñecido, creando un imperio de dimensións continentais. A clave do seu éxito foi a súa perseveranza, capaz de superar os desastres militares que a levaron á marxe da desaparición. Este impresionante volume permite ao lector entrar neste interesante período da Historia de Roma a través dunha gran exposición fotográfica, ilustracións e mapas.

As “sensombreiro”-2

Na escolla de libros para a exposición, dividimos entre fondos recomendados para o 1º Ciclo da ESO, nos que entrarían fundamentalmente os fondos de banda deseñada (Vida de nai 1 e 2), e aqueles para o 2º Ciclo (La mujer rebelde, El diario azul de Carlota e O diario vermello de Carlota e Todos deberíamos ser feministas).

Finalmente, para lectores adultos, amosamos ensaios como “La pasión de ser mujer” ou “Las sinsombrero” ou “Claros del bosque” de María Zambrano. E libros de lectura novelada como “El club de los viernes” ou “O club da calceta“.

O pase de diapositivas require JavaScript.

Coidamos que é unha mostra o suficientemente atractiva para que todo o mundo poida acceder a aquilo que sexa do seu interese.

Recomendacións para o verán

A piques de rematarmos xa as clases, deseñamos esta nova Guía de Lecturas con recomendacións para o verán.

Como veredes hai un pouco de todo. Dende libros de ficción (“Cuatro“, da serie Diverxente), até obras que tocan a divulgación científica (“O científico que derrotou a Hitler), e dende a Banda Deseñada actual (A vitoria final) até outro tipo de ficción aparentemente máis infantil (Mortadelo ou a Historia de aquí de Forges). Tamén hai sitio para outra triloxía xuvenil, a coñecida Ámote Leo de Rosa Aneiros, e tamén para a serie negra do país (a continuación dunha das lecturas obrigatorias de galego: A praia dos afogados, unha nova aventura de Leo Caldas, escrita por Domingo Villar), e para unha autobiografía novelada sobre “O Piloto“, o derradeiro dos maquis/guerrilleiros mortos en todo o estado. Para rematar dous libros de lucenses: por unha banda, unha das nosas debilidades, o último libro do lucense Miguel Anxo Murado –La invención del pasado-, que sirve para desvelar algunhas das fantasías históricas que se espallan e son admitidas como verdade universal e pola otra, unha novela ambientada na antiga Lucus Augusti –Las hijas del César-, que vén moito a conto agora que falta pouco para o “Arde Lucus”.

Aquí queda o tríptico (non hai máis que premer na imaxe da galería onde está o selo da Biblioteca)  por se queredes botarlle unha ollada e, coma sempre, tódalas obras están no noso expositor.

A aventura de Mortadelo e Filemón c ome z a c a n d o o r e s p o n s a b l e d e economía do goberno quere dispor de diñeiro para gastos varios e descobre, arrepiado, que alguén roubou os fondos da tesouraría do Partido Papilar.

Mal de linguas c o n s t i t ú e u n h a d e n u n c i a d o s p r e x u í z o s q u e a m e a z a n a c o m p l e x i d a d e lingüística do noso mundo.

Lo más de la historia de aquí aproxímanos -de forma sintética, amena e rigorosa- ao noso pasado dende o humor.

Lo más de la historia de aquí aproxímanos -de forma sintética, amena e rigorosa- ao noso pasado dende o humor.

Unha aventura trepidante que atrapa no centro do furacán da súa propia historia a Livia, Loberia e Dunia. Elas, chegan a Lucus Augusti, a actual Lugo, para levar a cabo unha perigosa misión.

A historia non é un bo argumento para discutir sobre o presente. Iso é o que este libro trata de demostrar revisando os mitos que compoñen a h i s t o r i a p o p u l a r d e España: canto hai de ficción e canto de verdade.

“O científico que derrotou a Hitler e outros ensaios sobre Historia da Ciencia” é un magnífico libro que combina o rigor científico e historiográfico cun estilo narrativo que atrapa, desde a primeira, páxina ao lector.

https://bibliolucus.files.wordpress.com/2015/06/trc3adtico-vacacions-veran-eu.pdf

As catro pezas incluídas en CUATRO (A transferencia, O iniciado, O fillo, O traidor e tres escenas adicionais) darán aos lectores da serie Diverxente, a mirada do popular Tobías sobre distintos momentos únicos na épica triloxía.

Catro amigos e unha gran viaxe. Este era o plan de Leo ao rematar os estudos universitarios. En cambio, todo se esborralla uns meses antes de partir, cando os seus colegas se botan atrás e Leo debe afrontar unha decisión transcendental: desistir dela tamén ou marchar soa.

A tenente Sigrid Frisch devece polos cómics. Leos na comisaría de policía. Xusto cando está a ler o clásico que conta como gañou Alemaña a II Guerra Mundial, recibe o aviso de que uns cativos veñen de atopar un cadáver.

Do autor de “Ollos de auga”, unha apaixonante novela de intriga que mergulla o lector no mundo da Galicia mariñeira, desde os areais das Rías Baixas á paisaxe urbana e as tabernas da cidade de Vigo. A novela parte dun descubrimento estarrecedor.

O Piloto, o último guerrilleiro, convértese en mito por ser o d e r r a d e i r o d o s guerrilleiros da Guerra Civil morto en combate. P r o d u c i u s e e n Chantada en 1965. Aquí podemos ler unha biografía novelada.

Recomendación: Os Megatoxos e o aprendiz de druída

Aquí presentamos a recomendación de Juan Álvarez Ruiz de 1ºESO-C.

Mandáronme este libro para ler no instituto. Ao empezar a lelo non me gustou moito, pero ao ir avanzando cada vez gustábame máis, pois cando a historia avanzaba máis acción e diversión había.

É un libro non moi grande pero si interesante e divertido para calquera neno.

Recomendación: “Yo soy Malala”

Sabela García Fidalgo, de 1ºESO A, tráenos a súa lectura recomendada: “Yo soy Malala“. Isto é o que nos comenta:

O libro “Yo soy Malala” pareceume moi interesante  xa que fala da historia de superación dunha nena. Tamén me gustou porque nos achega a unha nova relixión e á cultura dun país (Paquistán). No libro comenta como os talibáns logran acceder ao país causando un caos e unha guerra civil,  provocando o medo dos habitantes, que fuxen para non ser asasinados.

Entre as numerosas prohibicións atopábase que as nenas non podían asistir ao colexio, co que Malala  estaba completamente en desacordo. Por causa de manifestar a súa opinión os talibáns pegáronlle un tiro na cabeza.

Sorprendeume que ese machismo exista e que se tes algunha idea diferente a eles a súa solución sexa matarte.

Lecturas de verán

Hai poucos días publicáramos unha guía de recomendación para adultos, máis ben. a de Alice  Munro. Fixemos un último esforzo e aquí presentamos, xa a piques de rematar o curso, unha outra guía de lecturas para a xente nova, con algúns dos libros que andaban expostos estes días nos andeis de novidades.

Titúlase “Especial Coleccións“, porque son obras que constan de varios volumes: algún publicados e outros a piques de saír do preo. Esperamos que vos gusten e que  disfrutedes durante o verán.

Lecturas para o verán

Aquí vos deixamos a primeira das nosas suxestións para o verán. Aínda que subiremos algunha máis para que haxa variedade para todos os gustos, esta primeira consiste en calquera dos libros de Alice Munro, a última Premio Nobel de Literatura. Aínda que por aquí non é demasiado coñecida, si que ten moita sona en Norteamérica e durante as vindeiras vacacións pode ser un bo momento para introducirse noutras literaturas. Na guía, comentamos 3 dos seus libros que son os que temos na Biblioteca. Son un feixe de historias pequenas, pero que duran no tempo, nas cales as protagonistas son mulleres de todo tipo e condición. Están moi ben narrado, cunha linguaxe sinxela non exenta de lirismo. Pero que, seguro, nos deixarán un certo regusto no padal, obrigándonos a ler outra e outra, e outra historia.