Mudar o conto

mudar o contoOs contos son transmisores da cultura, agochan o sentido da ética e da moral e provocan pensamentos automáticos que contribúen a asentaren atitudes dunha xeración a outra. Moitos dos estereotipos son inoculados a través de relatos e filmes infantís cunha falsa apariencia de inocuidade.

O video forma parte dunha experiencia con rapaces e rapazas, nunha campaña de sensibilización respecto á violencia machista, desenvolvida pola organización “Little Revolutions” que pretende amosar como a historia da “Carapuchiña Vermella” é un caso evidente de agresión sexual naturalizada nun conto universal e aparentemente inocente, de xeito que se está a perpetuar de forma continuada un abuso que é normalizado e interiorizado polos mais novos.

Advertisements

25 novembro-II

Dende aquí querémonos facer partícipes da acción de EnlazaVigo, organizada polo Consello Municipal da Muller. Así, preténdese que a cidadanía se poña na vangarda da campaña contra a violencia de xénero e se impliquen tamén os centros de ensino. Este ano contaron coa participación de 43 centros e case 2 000 estudantes. Todo un éxito. Dende aquí, un agarimoso recordo pola iniciativa.

violencia_de_xenero

Tamén editaron un dossier, para traballar na aula, que se pode descargar aquí. Se queres máis información sobre o acto, ou ver as fotos, podes premer na ligazón de EnlazaVigo do principio.

25 de novembro: «Día Internacional contra a Violencia de Xénero»-II

Mirando pola arañeira adiante, atopamos un recurso interesante. Trátase da revista “Rapazas“, editada polo Concello de Lugo. Era o número 1, publicado en marzo de 2011, e non temos constancia de que tivese continuidade. É unha mágoa. Pero aquí a tedes por se lle queredes botar unha ollada.

25 de novembro: Día contra a violencia de xénero (III)

Esta man é que mellor representa o espírito da conmemoración adiantada ao pasado venres 23, do “Día contra a violencia de xénero“.

Tamén, temos que destacar entre os actos e actividades organizados no Centro para a súa conmemoración, a “performance”  realizada no vestíbulo, na que gran parte do alumnado e do profesorado ergueron as súas mans pedindo o cese da violencia contra as mulleres.  Colocáronse, tamén, mans de cores en diferentes dependencias e realizáronse diferentes narracións das que escolmaremos en breve aquelas máis orixinais. De momento, podedes ver unha animación onde aparecen varias desas actividades.

[kml_flashembed publishmethod=”static” fversion=”8.0.0″ movie=”http://bibliolucus.blogaliza.org/files/2012/11/25-novembro-Presentation2.swf” width=”500″ height=”400″ targetclass=”flashmovie”]

Get Adobe Flash player

[/kml_flashembed]

25 de novembro: Día contra a violencia de xénero (II)

Xa están aparecendo no noso Centro diferentes actividades, organizadas por departamentos e por titorías, para conmemorar o Día no que se quere facer unha chamada á concienciación para desbotar a violencia de xénero da nosa sociedade. Nós tamén queremos deixar o noso gran.

Así, mirando pola arañeira (internet), vimos unha campaña que organiza a Deputación de Sevilla, que nos chamou a atención porque nun cartel se chamaba á complicidade de todos para facer fronte a estes sucesos. A denuncia destas situacións prodúcese sempre cando o fenómeno xa está avanzado, pero no que debemos traballar é nunha maior concienciación para que non se produza. O cariño é unha arma moi poderosa (“all you nead is love“, dicían  The Beattles).

Así, a partir dun cartel, creamos esta animación para contribuír á conmemoración.

[kml_flashembed publishmethod=”static” fversion=”8.0.0″ movie=”http://bibliolucus.blogaliza.org/files/2012/11/25-novembro-violencia-xenero.swf” width=”500″ height=”400″ targetclass=”flashmovie”]

Get Adobe Flash player

[/kml_flashembed]

25 de novembro: Día contra a violencia de xénero (I)

Foi a Asemblea Xeral da ONU quen o 17 de decembro de 1999 aprobou que cada 25 de novembro se celebrara o Día Internacional para a Eliminación da Violencia contra a Muller, a proposta da República Dominicana, en memoria das irmás Mirabal, e que contou co apoio inmediato de 60 países para, finalmente, ser aprobada pola devandita Asemblea Xeral.

Así, a maiores doutras actividades que se veñen celebrando no Centro, e das que daremos puntualmente información, dende a Biblioteca queremos sumarnos ofrecendo unha escolma de recursos que poden ser empregados durante estes días.

Para o 1º Ciclo: recomendamos a visión da curtametraxe “Amores que matan” realizado por Icíar Bollaín, no ano 2000, cunha duración de 20 minutos e que pode servir para realizar con posterioridade un debate sobre os temas que alí aparecen e, mesmo un pequeno traballo sobre as características dos personaxes que alí interveñen e sobre se nos vemos representados neles ou coñecemos a alguén da nosa contorna que se nos asemellara.  Podemos ver a curtamentraxe a continuación.

 

 

  • Para o 2º Ciclo: pódese ver a película “Te doy mis ojos“, curiosamente da mesma directora, realizada en 2003 onde explora, xa en formato de ficción, mais tamén cun certo aire documental, o mesmo tema. Premendo no título poderás ver a ficha técnica da película e unha pequena sinopse. O DVD, pódese pedir prestado na Biblioteca, e pódese acceder a materiais didácticos sobre a película en educarenigualdad.org , edualter.org entre outros

 

  • Para BAC: a mesma película e como complemento, un artigo titulado “Amores que matan“, publicado no xornal “El Mundo” en 1998 (efectivamente, hai 14 anos xa existía este problema), onde se fai unha reflexión naquel momento sobre como as diferentes vías para enfocar unha posible solución. Pódese facer unha valoración sobre se no momento actual, se adoptaron ou non as formulacións que alí aparecen e se, a curto prazo, se albisca a súa superación.

25 de Novembro- Día Internacional contra a Violencia de Xénero

Hoxe damos comezo á primeira nota deste blogue da Biblioteca do noso centro, o IES “Lucus Augusti” de Lugo. E tamén queremos comezar atendendo a unha das conmemoracións máis relevantes destes días . Falo do Día Internacional contra a violencia de Xénero. Para nos facer partícipes de tal efeméride, presentamos unha presentación realizada polo equipo da Biblioteca do  IES “Sánchez Cantón de Pontevedra.

25 novembro 2009-Violencia de xénero

De seguido, tes unha presentación creada polo IES de Teis que tamén resulta espectacular. Hai que ter un pouco de paciencia pois tarda algo en cargar pero paga a pena a espera.
Agora ben, non é un fenómeno exclusivamente galego, nin español nin europeo tan sequera. Aquí tes un fregmento da campaña que sobre este tema están a facer en México.

[kml_flashembed movie=”http://www.youtube.com/v/bzxzAWu2_MY” width=”500″ height=”400″ wmode=”transparent” /]

Amosámosche como exemplo esta campaña de México porque os poderes públicos non sempre fan ben as cousas. Para mostra ben vale un botón. Non hai máis que ler esta noticia aparecida recentemente no xornal “El País” na que se fai referencia a un feito sangrante: o asasinato e desaparición de mulleres en Ciudad Juárez (México). Se queres consultalo, preme na fotografía.

Fotografia_Claudia_Ivette_asesinada_Ciudad_Juarez

Hoxe en día, aquí, hai unha certa conciencia social e este tipo de violencia comeza a ser rexeitado socialmente. Pero séguense a producir casos. Sería desexable non ter que facer máis campañas destas. Mentres tanto, é ben lembrar que é responsibilidade de todos rematar con esta lacra. Ti que opinas?