Mes cultural I. Pedro Feijóo

Comezamos presentado xa todo o material que fomos realizando neste último mes que entre exames e outros traballos se nos foi acumulando. Todos estes materiais que iremso amosando parte do Día do Libro (23 de abril) até o Día das Letras Galegas (17 de maio) E principiamos coa charla ofrecida por Pedro Feijóo.

É un autor actual que xa ten varias novelas no mercado e que ademais de conseguir coa primeira (“Os fillos do mar“) ser finalista do Premio  Xerais no 2011, tamén conseguiu por dúas veces acadar o Premio Arcebispo San Clemente, a segunda vez con “A memoria da choiva“.

Por outra banda, falta moi pouquiño para que no vindeiro mes de xuño a novela “Os fillos do lume” estea xa nas librarías.  O mes pasado estivo no noso centro, falando das súas novelas, dos argumentos, de Vigo como escenario e todas aquelas cuestións que o noso alumnado formulara. Despois da charla, asinou algúns dos exemplares, como vemos na seguinte composición.

Se queres saberes máis, aquí tes o seu Twitter por se queres seguir os seus chíos,e esta é aquí está a ficha que ten na editorial.

Advertisements

CHARLA SOBRE ÉTICA E SEXUALIDADE

O profesor de Filosofía da USC Luis García Soto impartíu unha charla sobre ÉTICA E SEXUALIDADE no IES Lucus Augusti o catro de abril de 2017. O acto serviu ademais para facer entrega de sendos Diplomas acreditativos de ter participado da IV Edición da Olimpiada Filosófica de Galicia aos alumnos de 2º de Bacharelato, Nil Farré e Pablo Méndez.

Noraboa aos dous!

Para ver as fotos pulse aquí ou sobre a imaxe.

 

 

 

CONCERTO DIDÁCTICO

No salón de actos do noso centro celebrouse o día 4 de abril un concerto didáctico a cargo da Banda Municipal de Música de Lugo. A actuación musical foi acompañada por números de maxia que fixeron as delicias dos asistentes. Todo un exitazo.

PARABÉNS POR ESTA INICIATIVA TAN INTERESANTE!!!

 

 

 

 

 

Preme aquí ou sobre a imaxe para poder contempla-las fotos do acto.

 

 

 

 

XESÚS RODRÍGUEZ LÓPEZ

O ex-profesor do noso centro, Manuel Calvo López, vén de presentar o seu libro  EPISTOLARIO A/DE XESÚS RODRÍGUEL LÓPEZ sobre a vida deste lucense polifacético que, aparte de ser médico, foi un dos membros fundadores da Real Academia Galega. Posiblemente, a maior parte dos lucenses de hoxe pouco ou nada saben sobre el.

Xesús nace en Lugo o 28 de xullo de 1859 en San Mamede de Lousada. Fixo os estudos de Bacharelato no Instituto de Segunda Ensinanza de Lugo (Arquivo Histórico do Instituto Lucus Augusti).  En 1874 marcha a Santiago para estudar a carreira de Mediciña, acadando por oposición unha praza de alumno interno no Real Hospital de Galicia, praza que perde por abandonar unha garda e deixar só a un compañeiro na asistencia dun parto (Arquivo da Facultade de Mediciña de Santiago de Compostela). Acada a licenciatura o 29 de xuño de 1881 coa calificación de Sobresaínte.

En 1886 viaxa a París para estudar na clínica Pasteur o tratamento preciso para cura-la rabia. Ao seu retorno publica tres artigos nos que explica a súa experiencia no Intituto parisino.

Catro anos máis tarde, en marzo de 1890, é comisionado polo Goberno Civil de Lugo para curar un andazo de gripe n’ A Fonsagrada. Alí chega o día 11 poñendo en práctica un procedemento terapéutico que, pouco a pouco, foi rematando cunha enfermidade que causara un gran número de mortos.

Estableceu despacho na casa paterna, na rúa da Tinería 22, exercendo como médico cirurxián. Un día por semana facíao de balde para as persoas pobres. Falecerá en Lugo o 24 de marzo de 1917.

VIAXE A ATAPUERCA – Alumnos/as de 1º de BAC

atapuerca

 

 


 

Os alumnos de 1º de BAC viaxaron os días 20 e 21 de marzo a Burgos para visitar Atapuerca, nunha saída organizada polo Departamento de Filosofía.

O primeiro día coñeceron León, Carrión dos Condes e a cidade de Burgos onde pernoctaron. O día 21 estivo adicado á visita do Museo da Evolución Humana para, de seguido, proceder ao obxectivo principal da viaxe: a visita ao xacemento de Atapuerca.

Ao remate desta visita tocou o intre de retornar ao punto de partida. Noraboa a tódolos rapaces e rapazas polo seu comportamento.

Para ve-las fotos da saída, preme aquí ou sobre a imaxe.

Presentación dun poemario do presidente da RAG na Libraría Biblos

Ola a tod@s! O vindeiro xoves, día 23, na libraría Biblos e en colaboración coa editorial Xerais farase a presentación do libro de poesía de Xesús Alonso Montero (presidente da RAG): ” VERSOS DUN FISTOR REPUBLICANO, MARXISTA, ATEO E UN POUCO EPICÚREO”.

Contará na presentación coa inestimable presenza de Claudio Rodríguez Fer e tamén de Manuel Bragado, en representación da editorial Xerais, na que será seguro unha obra poética de referenza e lembranzas para moita xente.

Velaí téde-lo cartel do acto. presentacion-versos-dun-fistor-correo

 

XXII PREMIOS RELATO CURTO “TRAPERO PARDO”

premio-trapero-2017

 

(descargue aqui a foto orixinal)

A alumna deste centro e colaboradora neste blog, SOFÍA SANTOS ULLOA , vén de gañar un accésit na XXI Edición dos Premios de Relato Curto Trapero Pardo na categoría de 15 a 18 anos.

Lembramos que esta escritora xa gañou hai dous anos o terceiro premio a nivel nacional do Concurso de Narración organizado por Coca-Cola.

Os nosos parabéns a Sofía

Concurso de Narración breve, Coca Cola 2016

O pasado venres 27 de maio, na Cidade da Cultura en Santiago de Compostela celebrouse a entrega de premios a nivel autonómico da 56ª edición do Concurso de Narración Coca Cola. Nese acto unha alumna do noso centro, Sofía Bussieres López de 2ºESO, acadou o 2º posto. Dende aquí queremos darlle os nosos parabéns polo seu traballo. Aquí deixamos unha pequena galería coas fotos do acto.

 

Pero se queres ver máis fotos, preme na imaxe seguinte para ir á galería do centro.

IMG-20160527-WA0034

Sofía Santos consegue un premio de relatos curtos.

Temos a satisfacción de informar que Sofía Santos Ulloa, alumna do noso centro, vén de recibir un novo premio. Nesta ocasión resultou premiada na XXIª edición dos Premios “Trapero Pardo” de relato curto para escritores novos, con outros rapaces de Lugo e de Burela.

A continuación, temos a foto conmemorativa do acto, na que a alcaldesa de Lugo e parte da corporación fixeron entrega dos premios. Parabéns polo éxito acadado.

foto sofia

Foto: La voz de Galicia

Entrega de premios San Clemente

Xa no seu momento, xuño do ano pasado, informáramos de como o noso centro fora un dos IES invitados, un por provincia, polo IES “Rosalía de Castro” de Compostela para participar na XXI Edición do seu premio literario Arcebispo Juan de San Clemente“.

Pois ben, xa chegou o día no que vai ter lugar o acto de entrega dos premios literarios  nas modalidades de tradución (El testamento de María, de Colm Toibin), novela en lingua castelá (El impostor, de Javier Cercas) e en lingua galega (A memoria da chuvia, de Pedro Feijoo).

Ao acto asistirán as ex alumnas do IES Lucus Augusti: Paula Abuín, Silvia Fernández, Lorena Núñez, Ana Rodríguez, Lucía Sarceda e Andrea Vilar, que participaron como xurado nas deliberacións que outorgaron os devanditos premios na sesión celebrada o 16 de xuño de 2015 no Instituto Rosalía de Castro de Santiago. As alumnas serán acompañadas polos xefes dos Departamentos de Lingua e Literatura Castelá (Fernanda Marzo) e Lingua e Literatura Galega (Manuel Celso Matalobos).

A entrega de premios terá lugar no transcurso dunha cea á que asistirán os autores galardoados, que compartirán mesa cos membros do xurado, no Hostal dos Reis Católicos da capital galega.

De seguido, podedes ver unha pequena escolma fotográfica do desenvolvemento dos actos de xuño, e no final unha panorámica con todos os participantes.

S. Clemente 3